ورجعنا تاني في سلسلة أول خطوة في التشطيب
ونحب نبارك لحضرتك انك هتمتلك فيلا قريبا .. بس يا ترى عارف هتستلم ازاي ؟ 🤔 وايه اللي لازم تاخد بالك منه وانت بتعاين
شطبلي بتقولك لما هتيجي تتعاقد على فيلا هيكون كالعادة اختيار من الاتي:
أولا : إما هتكون على الطوب الأحمر ودي عادة في حالة اذا كان حد بناها وانت اشتريت منه قبل ما يمحر ويأسس نص تشطيب وفي الحالة دي بيكون الوضع افضل هتاخد بالك بقا من الاتي:
- هتاخد بالك من ميول الحوائط المبنية عشان كل ما كان الحيطة موزونة هتقلل تخانة المحارة والبؤج
- هتاخد بالك الصواعد بتاعة السباكة (مية وصرف) فين خصوصا لو الفيلا أكتر من دورين لان لازم يكون فيه مكان لصواعد السباكة من برة وتكون متدارية
- هتشوف صواعد الكهربا هتمشي فين وهل مكانها مناسب ولا لأ لانها مهمة في توزيع الكهربا على لوحات الادوار .. يفضل طبعا يكون الصاعد طالع مرتاح في النص عند بسطة السلم ويكون فيه تأسيس للخراطيم اللي داخله للوحات او اماكنها
ثانيا : في حالة استلام الفيلا نص تشطيب يعني المفروض خلصانه محارة وتشطيب تأسيس كهربا
يبقا هتاخد بالك من كل اللي فات وكمان هتزود عليه الاتي:
- طبعا لازم تشوف مستوى المحارة وتكون مش مطبلة ومظبوطة ومعمول شبك في الفواصل
- هتاخد بالك من تأسيس الكهربا ويكون خراطيم الكهربا مسحوب فيها شدادات عشان سحب السلك إلا لو هتعدل طبعا شغل الكهربا طبقا لتصميم الفرش
نتمنى تكونو استفدتم وجاهزين للرد عن اي استفسار خلال أرقامنا اوصفحة الفيس بوك 😉👌